लहानस्थित प्रादेशिक अस्पतालबाट सरुवा भएका एक चिकित्सकले दुई महिनासम्म रमाना नलिएको पाइएको छ । गत माघ २ मै प्रादेशिक अस्पतालबाट सरुवा भएका आठौं तहका मेडिकल अधिकृत डा बृजेन्द्रकुमार साहले दुई महिना समय व्यतित हुँदासम्म रमाना नलिएको पाइएको हो ।
बिज्ञापन
मधेश प्रदेश स्वास्थ्य मन्त्रालयको निर्णयअनुसार जनरल हेल्थ सर्भिस अन्तर्गत आठौँ तहका मेडिकल अधिकृत डा साहलाई सिराहाको लहानस्थित राम कुमार शारदा उमा प्रसाद मुरारका प्रादेशिक अस्पतालबाट सर्लाहीको प्रादेशिक अस्पताल मलंगवामा सरुवा गरिएको भए पनि दुई महिना समय बित्दा समेत सरुवा हुन अटेरी गरेको पाइएको छ । गत माघ २ गते सर्लाहीको मलंगवास्थित प्रादेशिक अस्पतालमा सरुवा गरेको गरिएको भए पनि सरुवा भएको ६० दिन बितिसक्दा समेत उनी रमाना नबुझि बसेको पाइएको हो । कानुनत कुनै पनि कर्मचारीले सरुवा भएको २१ दिनभित्र नयाँ ठाउँमा हाजिर हुनुपर्ने व्यवस्था गरेको छ ।
बिज्ञापन
मन्त्रालयका सचिव डा प्रमोद यादवले सरुवा भएपछि तोकिएको स्थानमा जानैपर्ने, नगएमा सम्बन्धित कर्मचारी स्वयं जिम्मेवार हुने प्रतिक्रिया दिएका छन् । उता लहानका केही स्थानीय बासिन्दाले भने डा साहमाथि अस्पतालमा पर्याप्त समय नदिएको आफ्नै क्लिनिकमा समय दिने गरेको बताउँदै आएका छन् । लहानमा उनले जीवन रक्षा अल्ट्रासाउन्ड खोलेका छन् । कार्यालय समयमा समेत उनी आफ्नै क्लिनिकमा भेटिने गरेको स्थानीयहरुको गुनासो छ ।
बिज्ञापन
